- Ваши, ваши, - викIули сай унра, ну азбарлизи ацIили чеили.

- ХIурматла ХIяпиз, чевверхи, хIела неш ребкIили балгIяличи вакIес хIейъниличивад. Дила аттазайличи гIяхIлад вякьунсири. Ил зягIиприкили, кумекбарес гIягIнили, вахъхIи калес чебуркъуб.

- ХIела аба ракIила лерри, гъари. ХIушачиб гIяйиб лебси ахIен, уртахъ. АцIи, ацIи хъули. Нушачил кьацI бутIа. ХIера ишди дертурти ниъ, бурт, нуси. ГIядатла букан саби ГIяхIял лявкьни багьурси виаслири хинкIи дирахъира. ХIу гьанна хIушала хъалибарглизив бегIла халал кьапIа биханри. Лерил къайнгъни биштIати узби - рузбачила хIела хъуцIрумачир сари, - даимбариб ихтилат унрани. Ну хъули ацIира, кьулгьу-алхIям делчIунра. Калунтас арадеш биаб или бурира. ГIур чебаахъибси уталичи кайира, бисмилла баркьира. Дила гьала кабихьибси супелтар къулсара касили. Унрани яхши- хуш даимдариб, цалра гъай бурахъес ну хIелтули. - Се барес пикри сабив хIела? Нуни бакьира хIед дебали жагали суратикIес балуси сай или. Чина учIес кавхъес кьас саби? - ХIурматла ХIяпиз-ацци, хIед нушала хъалибаргла аги-хIял гIяхIли далулри. Дудеш вебкIили ца-чумал дус сари дикибти. Нешра, узби-рузбира гьачамлис марайли лебал. Ну урчIемал классра делчIи, хIянчили виркьес укьес пикри саби.

- Гьари-гьари, унра. Аллагьли сунели акIахьубти гьарил жаннис ризкьи камбируси ахIен. ХIед учIес кавхъес гIяшIнили саби, сенахIенну хIела художникла пагь леб.

- Илра бархьси саби. Баркалла хIед, унра, нушачила къайгъи дакIубарнилис. БегIлара декIси замана кумек барнилис. Дарганти бикIуливан, гIяхIси унра тухумличивра гъамси сай къияндикалли или. Гьанна аркьяс, ХIяпиз-ацци, диркьути дахъал тер. ВиштIал узи тухтурличи укес гIягIнили саби. Усес вирули ахIен, дудеш вебкIибси бархIила гIергъи.

- Гьари ил дила дурхIначи ка, тухтурличи укили гIергъи. Левкис, нешли пурбанбаралли.

Ну айзурра, ХIяпиз-аццили дила кIунтIуби душка или буриб. Дертурти ниъла къулса хупIбирухIели, ниьла супелти детаурлири. Урузиубли, някъли хъурсдарра дяхI, итил хъулирад дукелцIила бакьира. Ил унрала рурсири, гьандуцес хIериубли дукаркIуси. Ну къалабали хъуливад дуравхъунра.

Художник Амирхан Магомедов.

Меня зовут Сулейман Сирхан

- Заходи, заходи, говорит сосед, видя, что я зашёл во двор.

- Дорогой Х1япиз, прости, что я не выразил соболезнования по случаю смерти несколько месяцев назад Вашей матери. Был в отъезде, гостил у тёти, по ее настоятельному приглашению.

- Твоя мама приходила, помогала нашим, так что ...всё нормально.

Садись за стол, помянешь мою маму., разделишь с нами трапезу.

На столе стояли кринка молока и ложки вокруг нее, хлеб, сыр, сметана. Обычная еда обычного горца.

Сосед продолжил расcпрашивать меня, что намерен делать после окончания 9- го класса. Я ответил, что хочу пойти работать, чтобы помочь матери поднять детей, моих младших братьев и сестру. Сосед спросил меня:

-Ты же хорошо рисуешь? Говорили, что у тебя талант художника. Не хочешь поступить в Художественное училище?

Я поблагодарил за добрый совет и заботу о нашей семье соседа и хотел уже выйти из комнаты. Но меня остановил Хапиз-ацци и, показывая на губы, сказал, чтоб вытер. Оказывается, я измазал лицо кислым молоком, когда пил. Из соседней комнаты услышал хихиканье. Это дочь соседа, моя ровесница, не выдержала и засмеялась, увидев мое лицо, когда выглянула. Я поспешил ретироваться, покраснев до корней волос.

(Подстрочный перевод с даргинского)

Фото С. Махмудовой.